MEDIDAS EXTRAORDINARIAS. PAUTAS ORGANIZATIVAS PARA ESCOLARES E FAMILIAS ANTE O COVID-19



MEDIDAS EXTRAORDINARIAS

PAUTAS ORGANIZATIVAS PARA ESCOLARES E FAMILIAS ANTE O COVID-19 



Estimados/as alumnos/as e respectivas familias:


Dende o Departamento de Orientación queremos facilitarvos unas pautas sinxelas a seguir dende as vosas casas para facer máis levadeiros estes días que debemos permanecer dentro das nosas casas. Non debemos esquecer que esta situación non debe ser considerada un período vacacional xa que debemos seguir  cas nosas actividades aínda que dun xeito diferente.




ü  É favorable manter as rutinas relativas aos nosos horarios e seguir os consellos e guías facilitadas polos/as nosos/as Mestres/as.

ü  As horas  da mañá recomendamos que estén dirixidas ao estudo ou tarefas escolares que requiran concentración xa que é cando os/as nenos/as nesta franxa horaria están máis receptivos, se son traballos prácticos poden facerse 30 min. aprox. despois do xantar.

ü  Durante a semana levantarse e cumplir co horario escolar realizando as tarefas propostas polo profesorado.

ü  Debemos vestirnos e asearnos como se fósemos á escola porque deste xeito nos mentalizamos que toca cumplir un horario e nos activa máis que pasar o día completo co pixama posto que esa prenda a empregamos para descansar e estaríamos máis cansos e perezosos.

ü  É importante que o alumnado non perda o hábito de estudo, traballo e lectura nestes días.

ü  Actuar na casa ca maior naturalidade posible.

ü  Debemos evitar situacións de preocupación, ansiedade e medo (ver as noticias unha vez ao día suficiente para estar informados). Facer caso a todas as recomendacións xa que deste xeito a situación normalizarase antes e ser conscientes que debemos dar exemplo aos pequenos/as cos nosos actos.

ü  Deporte na casa (Imaxinando que internet funciona ben nas vosas casas tendes á vosa disposición moitos enlaces gratuitos de entrenamentos e rutinas diarias e sinxelas para manter o corpo activo xa que esto axuda a manter a mente ocupada e que nos sintamos mellor)

ü  Non exceder o uso de videoxogos, pódese poñer un horario e tentar que a maior parte teñan contido educativo.

ü  Tamén é bo momento para pasar tempo xuntos, coñecernos aínda máis, xogar (xogos de mesa, de memoria, adiviñas…), manualidades,….

ü  Escoitar música (Cancións variadas, de diferentes estilos,…), cantar( podedes xogar ao Karaoke na casa,…), se tendes instrumentos...a tocar!!!.

ü  Lectura individual e en familia a modo de contacontos, podedes contarvos historias reais, inventadas (de este xeito faríamos traballar a imaxinación tanto nosa como a dos máis pequenos e a creatividade!!!).

ü  Debuxar, pintar e calquera manifestación artística con materiais que teñamos pola casa, incluso unha vez rematadas, podemos colocalas no salón a modo de museo caseiro! (Tamén podedes sacarlle fotografías,…)

ü  Tamén a cociña é momento para poder gozar da elaboración dos pratos cos máis pequenos, temos tempo, tranquilidade e ingredientes non van a faltar!!! (cociña saúdable, receitas divertidas, repostería, colocar a mesa de xeito creativo,…).

ü  Despois de traballar, estudar e todo tamén podemos darnos un premio en familia, por exemplo o fin de semana visita virtual en familia e DENDE A CASA  a MUSEOS!!! (Temos a disposición museos e visitas virtuais: Salón do libro de Pontevedra, Museo Arqueolóxico de Atenas, Louvre de Paris, Prado de Madrid, Metropolitano Nueva York,…)

ü  A partir do luns 23 estará a disposición unha canle de televisión RTVE con contido educativo para escolares entre 6 e 16 anos “Aprendemos en casa”.



Recomendamos polo menos 30 minutos diarios de lectura e 30 de escritura para reforzar o proceso de lectoescritura, habilidades básicas e importantes para o correcto desenvolvemento académico.



Desexando que esta situación se normalice o antes posible e entre todos así será!



AGRADECER A TODAS AS FAMILIAS O SEU ESFORZO E COLABORACIÓN.

Para calquera dúbida, consulta, axuda ou o que precisedes estamos á vosa disposición




Un cordial saúdo e moito ánimo!!!

DEPARTAMENTO DE ORIENTACIÓN



Mª del Carmen Fernández Vidal

Comentarios

MEDIDAS EXTRAORDINARIAS.PAUTAS ORGANIZATIVAS PARA ESCOLARES E FAMILIAS ANTE O COVID-19

Recomendacións para...SAÍR DA CASA BEN e VOLTAR MELLOR!!!

BECAS MEC DESTINADAS AO ALUMNADO CON NEAE NO CURSO ACADÉMICO 2020-2021